В сабота (18,30 часот) е меч за преполна со публика сала во СОУ „Ристе Ристески – Ричко“ во Прилеп. Доаѓа силниот тим на Охрид, на дуел со амбициозниот Прилеп, во 3. рунда од Супер лигата на Македонија за мажи. Есенва двата тима немаат пораз – Охрид има две победи, на гости со Радовиш 36:18 и дома со Бутел 26:23, а Прилеп реми дома со Пролет 30:30 и победа на гости со Куманово 36:35.
Во 3. рунда од Супер женската лига В-група, на истиот паркет, в недела од 18,30 часот Деспина игра со скопски Спартак.