Денеска е 28. коло од Втората фудбалска лига на Македонија. Бидејќи е пред христијанските празнувања за најголемиот празник Велигден, одлучено е почетокот на натпреварите да биде во 13 часот. Тоа е за четири часа порано од вообичаеното, имајќи предвид дека претходните сезони на тој датум мечевите почнуваа во 17 часот. Значи – прилепските фудбалски љубители треба многу рано да се упатат кон Градскиот стадион „Гоце Делчев“, каде што ќе се одигра натпреварот Победа – Арсими. Домашниот тим има потреба од поддршка од трибините, со оглед на тоа што гостува четвртопласираниот тим на табелата.
ВТОРА ЛИГА, 28. КОЛО (денеска од 13 часот): Победа – Арсими, Охрид – Детонит, Саса – Кожуф, Новаци – Караорман, Беласица – Вардар, Осогово – Скопје, Башкими – Пелистер, Тетекс – Беса.
ТАБЕЛА: Беса 70, Пелистер 64, Детонит 56, Арсими 47, Скопје 40, Охрид 39, Вардар Н. и Башкими 38, Беласица и Кожуф 37, Победа и Новаци 28, Тетекс 24, Осогово 23, Саса 20, Караорман 15.
