Во рамките на вчерашната вест за промените во Фудбалската федерација на Македонија, покрај изборот на првиот човек, претседателот Масар Омерагиќ, за прилепската фудбалска јавност внимание привлече и назначувањето на Марјан Стојковски – Манта за потпретседател на оваа фудбалска организација. Ништо не е случајно, па и новата функција, највисока досега за него. Ова се наметнува како заклучок ако се земе предвид кариерата, сите досегашни функции. Имено, по означувањето крај како фудбалер – играч и капитен на Победа и член на репрезентацијата на Македонија, од 1999 година е спортски директор на Победа долги 10 години. Потоа три години е спортски директор на 11 Октомври. Исто така, од 2002 година наваму е претседател на ОФС Прилеп. Што се однесува до ФФМ, во нејзиниот УО влегува во 2012 година, а од 2019 година е национален директор на фудбалските селекции во нејзиниот состав.
Во минатото, откако Македонија е самостојна држава, Прилеп како фудбалски центар редовно има претставници во УО на ФФМ, бидејќи пред Марјан Стојковски – Манта беа Сашо Наумоски, Хари Хаџи-Ристески и Трајче Маџоски.
ДОСТАВУВАЊЕ НА ДОМАШНА АДРЕСА
СЕ ОД ПРАВОСЛАВИЕТО
ПОРАЧКИ НА ИКОНИ, ИКОНОСТАСИ СО ЛАМБИЧЕ, БЛАГОСЛОВИ, МОЛИТВИ, КАЛЕНДАРИ…
СЕ ЗА ИМЕНДЕНИ И СЛАВИ…
НА 076 502 403
