Во врска со Универзалната сала во Прилеп убави се сеќавањата за зимата 2010/2011. Тогаш, пред 14 години, беше извршено реновирање на овој спортски објект и пуштен во употреба по повеќегодишна пауза.
Нешто слично се случува и сега, во овој период. Очигледно силна е желбата кај спортистите и спортските работници и функционери, кај институциите, а многу важна е сплотеноста и поддршката од бизнис-секторот. Ако е така, може да се очекува многу скоро влез во објектот на екипите и гледачите, така што училишните сали ќе останат само за учениците, а за спортистите сала според пропишаните стандарди.
Во знак на одобрување на сегашниве активности, објавуваме две фотографии од пред 14 години: со Рубинчо Седлоски – тогашен менаџер на Универзалната сала и со работници кои го дотеруваа паркетот.
