Прилепски клуб со име Победа никогаш не бил во потешка ситуација отколку што е сега, па оттука секоја појава на оптимизам е добредојдена и многу важна. Токму овие денови можат да се слушнат оптимистички очекувања во врска со Победа и тоа од повеќемина коишто се инволвирани во фудбалот под Марковите Кули, од луѓе што никогаш нема да ги заборават двете титули, Купот и 32 меча во УЕФА. Според нивните зборови, очекувањето е сите моќни поедеинци и групи да се обединат во еден концепт, во една заедничка идеја што ќе доведе до една цел – силен клуб Победа, доволно силен за да го освои првото место во третолигашката конкуренција наречена Централен фудбалски регион 4, за потоа веднаш да има враќање во второлигашкото друштво. Општина Прилеп, поединци, групи, компании, стручњаци, тренери, играчи… Очекувањата се позитивни, а најдобро е за сето ова по Пивофестот веднаш и официјално во детали да биде запозната јавноста.
Важна не е само сениорската екипа, туку и младинската школа – со младинската, кадетската, пионерските тимови, за кои се зборува дека со нетрпение го чекаат стартувањето со летните тренинзи.
