Најавено е второто издание на Меморијалниот турнир во мал фудбал „Сотир Мазар 2026“ во Крушево, во чест и спомен на неодамна починатиот Сотир Стојчески – Мазар. За одржување најавен е периодот од 9 до 15 август, на игралиштето кај Гумење. Пријавувањето до 5 август е во тек, а се врши со котизација од по 6.000 денари и на телефоните 078 698 512 (Ратко), 071 316 558 (Кирил) и 075 917 600 (Ѓоко). Пријавувањето треба да е што побрзо оти бројот на екипите е ограничен на 16. Интересот е голем и поради наградите во вредност од околу 200.000 денари. Победничката екипа добива 100.000, второпласираната 50.000, третопласираната 20.000, четвртопласираната 5.000, а предвидени се награди за најдобар стрелец, најдобар голман, најобар млад играч, најфер-плеј екипа…
Насловната фотографија е од минатогодишниот победник, екипата „Росоњери“, со триумф во финалето врз Дени кар со 3:0, со головите на Мартин Никовиќ, Васко Петкоски и Ѓорѓи Стрезовски.
