Екипата Деспина со убедливи 3:0 ја совлада Речица, во 17. рунда на фудбалската Прва женска лига на Македонија. Уште во 2. минута се затресе гостинската мрежа по голот на Анастасија Илиевска. Капитенот Катерина Милеска додаде уште два гола во 28. и 80. минута. Гостинките од Куманово иако аутсајдери, прикажаа солидна игра. За Деспина ова беше како „загревање“ пред полуфиналето од Купот со Саса во Каменица, во вторник.
РЕЗУЛТАТИ 17. КОЛО: Деспина – Речица 3:0, Скопје – Љуботен 0:1. ДЕНЕСКА ОД 16 Ч.: Шкендија – Саса, Истатов – Тиверија. УТРЕ ОД 14 Ч.: Борец – Ас унитед.
ТАБЕЛА: Љуботен 44, Саса 37, Ас унитед 32, Тиверија 31, Деспина 30, Скопје 26, Истатов 18, Речица 10, Шкендија 7, Борец 3, Кочани 2, Кул здравје 0.
СЛЕДНО 18. КОЛО: Ас унитед – Деспина, Речица – Скопје, Кочани – Истатов, Тиверија – Шкендија, Саса – Борец.
