Денеска се случи четвртиот зимски тест-меч за фудбалскиот второлигаш Победа. На Градскиот стадион „Гоце Делчев“ во Прилеп гостуваше второлигашот Башкими од Куманово. Целиот приход од продажбата на влезниците беше наменет за помош во лекувањето на младиот сограѓанин Виктор.
Во првото полувреме паднаа два гола. Победа поведе по изведен слободен удар оддесно. Убав центаршут испрати Давор Богевски, а топката со глава кон мрежата неодбранливо ја упати Петар Петроски за 1:0. До крајот на првиот дел Башкими успеа да израмни преку Фахрудин Ѓурѓевиќ. Овој нерешен резултат од 1:1 остана до крајот на мечот.
На овој меч екипата Победа настапи со оваа прва постава: Шемкоски, П. Петроски, Кофиловски, Ивчески, М. Талески, Каба, Богевски, Да. Спиркоски, Д. Шаркоски, Ќерими, Бектеш.
Досега Победа ги имаше тест-дуелите со Воска во Охрид, Македонија ЃП во Скопје, Шкендија во Арачиново и со Башкими во Прилеп. Следниот е со Вардар во Неготино, в сабота.
