Масовно присуство, безмалку стопроцентно, беше на Редовното изборно годишно собрание на ОФС Прилеп. Од 54 делегати во ресторанот „Порта“ беа 52. Во присуство на високи гости од ФФМ – Дрилон Ганиу, генералниот секретар, Горанчо Костовски, менаџер и Сашко Тасев, член на УО, По усвојувањето на извештајот за работата на ОФС Прилеп во 2024 година, како и финансискиот извештај, се премина на изборите.
За претседател на ОФС Прилеп со комплетна поддршка е избран Марјан Стојковски.
– Почитувани делегати, ви благодарам за честа што ми ја укажавте. Се надевам дека успешната работа ќе продолжи, бидејќи со вас ние создадовме едно пријателство, другарство… Како спортски работници заемно се помагаме – и вие нам и ние вам. Сметам дека и во следниот период можностите за поддршка ќе бидат големи – помош на екипи, помош во унапредување на судии, контролори, делегати итн. Имаме со што да се пофалиме за претходниот мандат, како најголем општински фудбалски сојуз. Во однос на ова, како претседател сум горд што успеавме, по долго време, да добиеме ФИФА/УЕФА судија, Влатко Илиоски – рече Стојковски.
Во претстојниот четиригодишен период потпретседател на Сојузот ќе биде Сашо Иваноски, Избран е и Управен одбор, во кој влегуваат: Марјан Стојковски, Сашо Иваноски, Петре Илиоски, Панче Здравески, Никола Маркоски, Диме Наумчески, Тони Даноски, Никола Трајкоски и Македонче Дуртаноски. Надзорниот одбор го сочинуваат: Илчо Јорданоски, Љубе Ристевски и Миле Кебакоски.
Усвоена е предлог-одлука за избор на делегати во Собранието на ФФМ. Тие се: Марјан Стојковски, Сашо Иваноски, Петре Илиоски, Петар Ристески и Александар Мирчески. Усвоена е предлог-одлука за член на Управен одбор на ФФМ од ОФС Прилеп, Марјан Стојковски.
Усвоен е и предлог за поддршка од ОФС Прилеп за Масар Омерагиќ, претседател на Фудбалската федерација на Македонија.
ПОРАЧКИ ЗА ПРАВОСЛАВНИТЕ ВЕРНИЦИ
ДОСТАВУВАЊЕ НА ДОМАШНА АДРЕСА
СЕ ОД ПРАВОСЛАВИЕТО
ПОРАЧКИ НА ИКОНИ, ИКОНОСТАСИ СО ЛАМБИЧЕ, БЛАГОСЛОВИ, МОЛИТВИ, КАЛЕНДАРИ…
СЕ ЗА ПРАЗНИЦИ, ИМЕНДЕНИ И СЛАВИ…
НА 076 502 403
