Пријатно изненадување е веста дека Боречкиот клуб „7 Мај“ преговара со можни засилувања. И не само засилувања, туку нови борачи од странство. Овие трансфери досега се случуваа претежно во екипните спортови, како фудбалот или ракометот. Според она што го добивме од прилепскиот клуб, веќе се преговара со квалитетни борачи од Бугарија и Германија. Што се однесува до тренажниот процес, започнат е минатата седмица, а машката екипа беше на подготовки во Бугарија – во Петрич, Велинград и Банско, под водство на тренерот Теодора Димеска.
И женската екипа од овој клуб планира подготовки во странство – во Косово.
Следниот викенд започнуваат националните натпревари до 23 години од Државно првенство на Македонија.
