Ново изненадување во Прилеп: Победа – Македонија ЃП 2:1. Нов подвиг на младиот тим Победа, овојпат против лидерот на табелата, Македонија ЃП од Скопје. Највреден резултат оваа сезона за прилепскиот тим.

Беше голема борба пред многубројната публика. Прво Победа притисна, имаше и шанси, но не и ефект. Се чинеше дека Македонија ЃП е немоќна во нападот, но при една акција и силен шут надвор од шеснаесетникот на Ѓорѓи Дошев во 27. минута, топката зафати некого од домашната екипа, го смени правецот, и влезе во голот за 0:1. По многу возбудувања на одмор се отиде со минимална предност за гостите.

Во вториот дел Победа возврати со сите сили. Веќе во 52. минута, при еден центаршут од слободен удар на Димитар Шаркоски, гостинскиот голман ја испушти топката, таа падна пред гол-линијата, каде домашниот капитен Леонид Кофиловски ја спроведе в гол за 1:1. Прилепскиот тим не се задоволи со реми. Клучна е 82. минута. Тогаш одлево проби Филип Димоски, се одлучи на удар, топката веројатно малку некого зафати, и неодбранливо се спушти во подалечниот агол за 2:1 и голема радост на целиот стадион во Прилеп. Навистина мајсторски гол со лоб-удар. Овој играч и претходното коло беше стрелец на победоносен гол, со Борец во Велес.

ПОБЕДА: И. Николоски, М. Талески, Ивчески, Казимоски, Исмаил (87. Крајоски), Д. Шаркоски, Љумовиќ (87. Каба), Ќерими (63. А. Петрески), Ф. Димоски, Кофиловски, Богевски (69. Арифи). Тренер: Стојанче Дунимаглоски.

МАКЕДОНИЈА ЃП: Стојановиќ, Абдула, Дошев (85. Анастасијески), Размоски, Станковски (71. Маркоски), Велкоски, Попзлатанов, Вецески, Николовски, Христов, Стоилов. Тренер: Бобан Грнчаров.

РЕЗУЛТАТИ: Победа – Македонија ЃП 2:1, Вардар Н. – Скопје 2:0, Осогово – Кожуф 0:0, Вардарски – Детонит 1:4, Саса – Брегалница 4:0, Новаци – Борец 1:1, Башкими – Арсими 2:1, Охрид – Беласица 2:1.

ТАБЕЛА: Македонија ЃП 41, Башкими 39, Брегалница 37, Арсими 33, Саса 31, Детонит 29, Охрид 28, Кожуф 27, Скопје 26, Беласица 22, Победа 21, Новаци и Вардар Н. 20, Осогово 10, Борец 7, Вардарски 5.

СЛЕДНО 19. КОЛО (4 март во 14 часот): Арсими – Победа, Охрид – Вардар Н., Беласица – Башкими, Македонија ЃП – Новаци, Борец – Саса, Брегалница – Вардарски, Детонит – Осогово, Кожуф – Скопје. 

076 502 403

ПОРАЧКИ ЗА ПРАВОСЛАВНИТЕ ВЕРНИЦИ

ДОСТАВУВАЊЕ НА ДОМАШНА АДРЕСА

СЕ ОД ПРАВОСЛАВИЕТО

ПОРАЧКИ НА ИКОНИ, ИКОНОСТАСИ СО ЛАМБИЧЕ, БЛАГОСЛОВИ, МОЛИТВИ, КАЛЕНДАРИ…

СЕ ЗА ПРАЗНИЦИ, ИМЕНДЕНИ И СЛАВИ…

НА 076 502 403