Фудбалскиот клуб Победа по долги 15 години ќе се претстави во Европа, првпат преку својата младинска екипа, шампион на Македонија. Токму таа екипа на која и претстои учеството во Младинската лига на шампиони од УЕФА, синоќа отпатува за Бечеј, Србија, каде ќе биде на осумдневни подготовки. Во комплексот фудбалски терени има одлични услови за работа. Покрај тренинзи, во план се три пријателски меѓународни меча, со Спартак Суботица, Вождовац и Војводина Нови Сад. Тоа се силни ривали какви се бараа, а ги нема во овој период во државава. Тренерите Филип Мирчески и Жарко Димески на располагање имаат 24 млади фудбалери.
Ждрепката за Младинската лига на шампиони од УЕФА е кон крајот на август, дуелите во септември.
