ПОБЕДА СО НОВ ТРЕНЕР ДО ВТОРНИК!

Фудбалскиот второлигаш Победа се раздели со досегашниот шеф на Стручниот штаб Филип Мирчески. Тој прилепската сениорска екипа ја водеше во седумте есенски првенствени кола, а претходно со младинскиот  тим стигна до шампионската титула. Од клубот дадоа детали за разделбата:

– Мирчески одлучи да поднесе оставка, иако имавме преговори за да остане. Најдоцна до вторник ќе имаме нов тренер на таа позиција, а ќе видиме кој останува и кој си оди од Стручниот штаб – информираат од ФК Победа.

Настанот е ден по последниот пораз од Саса во Каменица, во пресрет на дуелот дома со најпријатното второлигашко изненадување – Детонит.