Уште едно добро пролетно издание на младиот состав на Победа. На гостувањето во Радовиш, Детонит – Победа 1:1. Прилепскиот тим поведе со голот на Давид Дебрешлиоски во 12. минута кога и голманот го помина, а домашните израмнија во 44. минута преку Иван Настевски. Така, Победа ова сезона нема пораз од третиот на табелата, Детонит. Ако се земе предвид дека есеноска во Прилеп беше 2:0 за Победа и сега 1:1, прилепската екипа му има „откинато“ четири бода на фаворитот од Радовиш, во борбата за врвот. Всушност, дури и може да се каже дека Детонит е покус за пет бода, бидејќи освои само еден од можните шест, а Победа освои четири.
ДЕТОНИТ: Ѓорѓиев, С. Бабунски (85. Јанев), Христовски (46. Фејзуловски), Бошески (72. Мемеди), Христов, Настевски, Кудијан, Ивановски (63. Л. Трајкоски), Мирчевски, Ѓорѓиески (63. Николовски), Стојанов. Тренер: Иван Варадиновски.
ПОБЕДА: Столевски, И. Трајкоски (46. Ристов), Г. Димоски (68. Сарески), Д. Дебрешлиоски (83. Д. Шаркоски), Адили, Поп-Антоски, Ивчески, Кофиловски, С. Спиркоски (68. Новески), Да. Спиркоски (88. Л. Петејчук), Богевски. Тренер: Јане Николоски.
РЕЗУЛТАТИ 23. КОЛО: Детонит – Победа 1:1, Арсими – Охрид 0:0, Скопје – Пелистер 0:1, Вардар Н. – Беса 0:1, Караорман – Тетекс 1:4, Кожуф – Башкими 2:0, Саса – Осогово 2:1, Новаци – Беласица 1:3.
ТАБЕЛА: Беса 60, Пелистер 54, Детонит 46, Арсими 41,Охрид 37, Скопје 35, Башкими 31, Беласица 30, Вардар Н. и Кожуф 28, Новаци и Тетекс 24, Победа 23, Осогово 20, Саса 17, Караорман 15.
СЛЕДНО 24. КОЛО (13 април во 15 часот): Победа – Кожуф, Охрид – Новаци, Беласица – Саса, Осогово – Детонит, Башкими – Караорман, Тетекс – Вардар Н., Беса – Скопје, Пелистер – Арсими.
