Екипата Мега баскет во последното коло од основниот дел на Втората кошаркарска лига избори пласман во плејофот, меѓу осумте најдобри. Вечерва во Скопје, Работнички – Мега баскет 71:73. Само еден кош, два поена, но вредни за да се надмине на табелата Водно, тим кој дома во Скопје загуби од штипските Соколи со 90:101. Двата услови се исполнија – Водно да загуби, Мега баскет да победи, и ете прилепскиот состав е во четвртфиналето од плејофот, каде ќе се сретне со МКК Куманово. Вечерва, по четвртини мечот во Скопје Работнички – Мега баскет вака изгледаше: 10:22, 21:19, 27:16, 13:16.
РЕЗУЛТАТИ 22. КОЛО: Работнички – Мега баскет 71:73, Ангели – Маџари 77:65, Борец – Тетекс 83:62, Водно – Соколи 90:101, МКК Куманово – Шкупи 105:71.
ТАБЕЛА: МКК Куманово 40, Шкупи 36, Маџари 35, Ангели 33, МЗТ Уни 31, Соколи 29, Борец 28, Мега баскет 27, Водно 26, Работнички 23, Тетекс 22.
ДВОЈКИ ЗА ПЛЕЈОФ: МКК Куманово – Мега баскет, Шкупи – Борец, Маџари – Соколи, Ангели – МЗТ Уни банка.
