Во денешното 28. коло од Втората фудбалска лига на Македонија, Победа – Арсими 0:3. Убедлив триумф на гостите, но мора да се наведе дека можеше да биде многу поинаку. Прилепскиот тим прв дојде до стонастотна шанса, по досудениот пенал врз Дестан Адили во 14. минута. Непишаното правило играч врз кого е направен фаулот за пенал не треба да го изведе, овојпат се покажа исправно. Токму Адили, еден од најдобрите во домашната екипа, го изведе пеналот, шутна во левиот голманов агол, но голманот Вулнет Ислами се фрли и одбрани.
До крајот на полувремето беше рамноправна игра, во која и домашните имаа неискористени обиди, но и гостите, при што и голманот Антонио Столевски ги покажа своите прволигашки квалитети. Така беше до 60. минута. Тогаш по една добра акција од левата страна, во завршницата мрежата одблиску ја затресе Бетим Исени. Натаму прилепските фудбалери настојуваа да возвратат, но без успех. Гледачите почнаа со негодувања и до судијата Ангел Гелов од Кавадарци, по неколку одлуки, особено по падот на домашниот Марко Ристов во дуелот со гостинскиот Енсар Љума, некаде пред гостинскиот шеснаесетник. Иако сета публика очекуваше слободен удар за Победа, топката му припадна на Арсими.
Во финишот Победа успеа да нападне и создаде шанси, ама немаше израмнување. Квалитетниот гостински состав умееше да искористи секаква грешка на домашните за да го зголеми резултатот. Така, во 68. минута Емран Рамадани зголеми на 2:0 за Арсими. Кога се очекуваше крајот, во 89. минута уште еден гол за гостите, преку Леонтин Бајрами.
ПОБЕДА: Столевски – Г. Димоски, Ивчески, Кофиловски, Поп-Антоски – Богевски, Сарески (77. М. Талески), Ристов (77. Крајоски) – И. Трајкоски (59. Д. Шаркоски), Да. Спиркоски (46. Тасески), Адили (77. Арифи). Тренер: Јане Николоски.,
АРСИМИ:Ислами – Љума (77. Бајрами), Нухија 52. Асани), Цуцули, Абдија – Демири (71. Асани), Мустафа (52. Реџепи), Авдули – Гафури, А. Рамадани, Е. Рамадани (71. Беќири). Тренер: Љабинот Муслиу.
РЕЗУЛТАТИ: Победа – Арсими 0:3, Охрид – Детонит 3:1, Саса – Кожуф 1:0, Новаци – Караорман 6:0, Беласица – Вардар 0:0, Осогово – Скопје 2:1, Башкими – Пелистер 1:2, Тетекс – Беса 0:7.
ТАБЕЛА: Беса 73, Пелистер 67, Детонит 56, Арсими 50, Охрид 42, Скопје 40, Вардар Н. 39, Беласица и Башкими 38, Кожуф 37, Новаци 31, Победа 28, Осогово 26, Тетекс 24, Саса 23, Караорман 15.
СЛЕДНО 29. КОЛО (11 мај во 17 часот): Пелистер – Победа, Тетекс – Охрид, Беса – Башкими, Арсими – Осогово, Скопје – Беласица, Вардар – Новаци, Караорман – Саса, Кожуф – Детонит.
ВИДЕО-ИЗВЕШТАЈ :
