Објавено е дека новото првенство од Втората кошаркарска лига на Македонија е со старт на 12 октомври, по празникот 11 Октомври. Тоа е безмалку шест месеци по завршувањето на претходната сезона. Тогаш (на 16 април) прилепскиот клуб Мега баскет пред полна трибина во салата на ООУ „Добре Јованоски“ зеде учество во четвртфиналето од второлигашкиот плејоф, против првакот МКК Куманово.
Според ждрепката и распоредот за есенскиот дел, на 12 октомври Мега баскет дома игра со експрволигашот ФМП Академија од Скопје. Други учесници во Втората лига се: Маџари, Работнички, МЗТ Уни банка, Ангели, Партизан ВС, Бутел (сите од Скопје), Борец (Велес), Црн Дрим (Струга), Соколи (Штип) и Охрид.
