Стартува пролетниот дел од Првата женска фудбалска лига, каде Деспина е на високото 4. место, пласман за кој една од најзаслужните е голманката од Босна и Херцеговина Иман Шљиво. Прими само 11 гола на 10 меча, така што тренерот Стевче Талески многупати истакнува дека ја оправдала довербата со нејзиниот однос, пристап, дисциплина. Не е висока, а е голема пречка за противничките фудбалерки. Им се чини никој нема на гол, а одеднаш топката некој ја одбива. Во прво време, кога била девојче на 10-12 години, почнала во средниот ред, затоа многу сака да игра со нога.Шљиво е познато фудбалско презиме. Пред 41 година, на Светското во Шпанија, за Југославија настапи Етхем Шљиво. Играше во средниот ред за Сараево, потоа на печалба во Белгија, Франција и Германија. Дваесетидвегодишната Иман е негова внука.
Договорот го продолжи, па во Деспина останува и во 2024 година.
РАЗГОВОРОТ СО ИМАН ШЉИВО НА СЛЕДНИОВ ЛИНК:
