Нов претседател на Фудбалскиот сојуз на Србија е Драган Џајиќ, легендарниот фудбалер на Црвена звезда и некогашната Југославија. Тој и сега е ѕвезда, а камоли пред 40, 50 и повеќе години кога беше на врвот од славата. признат како најдобро лево крило на светот. Некаде во 1981 година, две години по прошталниот меч со Аргентина, одигра мал фудбал пред полните трибини во салата “Македонија” во Прилеп. Настапи во дресот на Црвена звезда против домашниот состав на Победа. Публиката уживаше во атрактивните потези и во осумте гола, бидејќи мечот заврши 4:4.
За Победа играа: Петар Секулоски – Вукас, Цане Конески, Петар Јованоски, Васко Димитриоски, Гоце Манески, Борче Ангелески, Иван Мечев, Јове Магдески, Ристо Глигороски и Венцислав Сусулески. За Звезда настапија безмалку сите репрезентативци, покрај Драган Џајиќ уште Микан Петровиќ, , Мирослав Павловиќ, Јован Ачимовиќ, Слободан Јанковиќ, Станислав Караси, Војин Лазаревиќ и Зоран Антониевиќ. Правдата на паркетот ја делеа судиите Трајче Маџоски и Љупче Котески.
Во 1997 година кога Благојче Ѓорѓиоски – Баче и Дарко Крстески од Победа преминаа во Црвена звезда, нејзин спортски директор беше токму Драган Џајиќ,
