Завршница е од плеј-офот на Супер лигата на Македонија во пинг-понг. Претстои финалето, битката за титулата екипен државен првак. Дуелот е меѓу екипите Младост 96 (Прилеп) и Телеком нец 2 (Скопје).
Првиот меч од серијата до две победи е на 3 јуни во Прилеп, реваншот на 4 јуни во Скопје. Доколку има потреба од трет меч-мајсторка, ќе биде на 10 јуни во Прилеп. Претходно, во полуфиналето, Младост 96 беше подобра од Берово, а Телеком нец 2 од штипски Шампион ФА.
Прилепскиот тим има шанса да ја врати титулата, откако првпат ја освои во 2021 година, а потоа ја зеде Крива Паланка 2007.
