ОВДЕ ВО АВГУСТ ЌЕ СЕ ИГРА ФУДБАЛ

Благовремено, на 40 дена до одржувањето на Меѓународниот турнир за најмлади категории фудбалери „Прилеп куп 2023“ речиси секојдневно има активности за дотерувањето на тревникот, просториите и трибините од стадионот кај Могилата. Се прават напори да биде тоа објект каде на 11, 12 и 13 август пријатно ќе се чувствуваат младите фудбалери, нивните тренери, претставниците на клубовите, како и публиката.

Организаторите – Општина Прилеп и ФК Прилеп второто издание на турнирот го подигнуваат на меѓународно ниво, со учество на екипи , покрај од Македонија – од Бугарија (Локомотив Софија) и од Србија (Дубочица Лесковац), а неизвесна е само од Грција.

Втора локација за натпреварите е Градскиот стадион „Гоце Делчев“.