Пинг-понг

(фото) ЕСЕНСКИОТ ПРВАК Е ДОБИЕН ВО ПРИЛЕП!

Вчера салата од СОУ „Ристе Ристески – Ричко“ во Прилеп беше преполна со пингпонгари од цела Македонија, по повод одигрувањето на двете последни кола (осмото и деветтото) од Супер и Првата лига. Деветнаесет екипи играа на 9 маси до вечерта за да биде познато кој е редоследот на табелата.

Во Супер лигата во центарот на вниманието беше дербито на непоразените, Крива Паланка и Младост 96 од Прилеп. Гостите победија со 4:2 и станаа есенски, прваци. За Крива Паланка партии добија Србинот Ѓорѓе Петровиќ 2, Александар Јакимовски и Кристијан Станојковски, а за Младост 96 – Косовецот Фатих Карабаџаку и Антонио Стомнароски. Во екипата Младост 96 отсуствуваше Србинот Ѓорѓе Борчиќ.

Претходно Крива Паланка со 4:1 го совлада Младост од Прилеп. Партиите за победникот ги добија Кристијан Станојковски 2, Александар Јакимовски и Ѓорѓе Петровиќ, а за Младост – Нико Доага. Во ова коло Младост 96 со 4:3 беше подобар од штипскиот Шампион ФА. Во победничкиот тим две партии доби Фатих Карабаџаку, една Андреј Лашкоски, како и двојката Карабаџаку/Лашкоски, додека за Шампион ФА – Амелија Николов и Филип Младеновски две. Екипата Младост вториот меч вчера со 0:4 го загуби од скопски Телеком нец 2, за кого партиите ги добија Србинот Милош Миленковиќ 2, Роберт Михајловски и Димитрие Жоговски.

ТАБЕЛА: Крива Паланка 18, Младост 96 – 17, Шампион ФА и Телеком нец 2 – 15, Младост 14, Пелагонија 13, Берово и Вардар 12, Работнички 10, Крива Паланка 2007 – 9.

И во Првата лига имаше директен дуел меѓу непоразени тимови, струмички Астраион и Радовиш. Победи Астраион со 4:1, со партии добиени од Борис Секулов 2 и Николаос Граменос 2, додека единствената за поразениот е од Ѓорѓе Бораниев. Во другото коло Астраион – Борец 4:1, Радовиш – Студент 4:3.

Екипата Прилеп одигра два меча. Прво со 4:1 го совлада Берово 2. Кај победничкиот тим по две партии добија Мартин Калески и Александар Штаргоски, а за поразениот – Моника Стајковска. Потоа Прилеп со 4:1 го победи и скопско Дебар Маало. И овде по две партии добија Мартин Калески и Александар Штаргоски, а за поразениот – Вања Спасиќ. Тимот Прилеп иако нов прволигаш, има одличен пласман – на третото место.

ТАБЕЛА: Астраион 16, Радовиш 15, Прилеп 14, Берово 2, Борец, Дебар Маало, Рисови 11, Студент 10, Кочани 9.

Од категоријата

КРУШЕВЧАНКИ ПОДОБРИ ОД ГРКИНКА И КОСОВКИ

Зоран Иге

ЦРНОГОРЕЦ ГИ ЗАСИЛУВА ПРИЛЕПЧАНИТЕ

Зоран Иге

БОРБАТА ЗА ПЕХАРОТ ПОЧНУВА ОД ПРИЛЕП!

Зоран Иге

This website uses cookies to improve your experience. We'll assume you're ok with this, but you can opt-out if you wish. ДА Повеќе