Машкиот ракометен суперлигаш Прилеп го одржа првиот собир во оваа година, во салата на СОУ „Ристе Ристески – Ричко“. Присуствуваа 17 ракометари, на чело со капитенот Христи Бикоски, така што ниеден од екипата нема заминато, на задоволство на Стручниот штаб, предводен од Божидар Мојсов и помошникот Тони Димоски. Од дојдените сигурен е левиот бек Ангелче Органџиев (Тиквеш), додека на проба е средниот бек Ерик Андраде (Бразил). Меѓутоа, покрај нив, можно е доведување уште на десен бек, пивот и голман.
Во врска со подготовките, досега закажани се четири пријателски меча, во Македонија и во Србија.
Од 11 февруари е плеј-аутот и борбата за опстанок против Голден арт, Мултиесенс, Скопје, Аеродром (Скопје), Вардар (Неготино), Еурофарм Пелистер 2 (Битола) и Куманово.
ВИДЕО-РАЗГОВОРОТ со тренерот Божидар Мојсов е на линкот:
