Екипата Победа со 3:1 загуби од Охрид, на пријателскиот натпревар, прв зимава. И покрај поразот, со пресврт, по водството од 0:1, впечатокот за играта не е неповолен. Се работи за мошне млади играчи, од кои мнозинството се уште имаат право за настапи во младинската или кадетската екипа. Вчера беа распоредени во две постави. Еве ја почетната постава: Николоски – М. Талески, Кофиловски, С. Спиркоски, Поп-Антоски – Богевски, Д. Дебрешлиоски, Д. Спиркоски – Ристов, Арифи, Горгиовски. Во второто полувреме одиграа: Столевски, Крајоски, Л. Петејчук, Влаши, И. Трајкоски, Г. Димоски, Шиков, Миланоски, Ивчески, Табаковиќ, Речкоски. Ако се пресмета возраста, просекот е 18 години по играч. Ова е реткост, не само ако се има предвид Победа, ами и пошироко. Најмлади, со по 17 години, се: Давор Богевски, Дарио Спиркоски, Салим Арифи, Константино Горгиовски, Кристи Крајоски и Бојан Ивчески. Сепак, преодниот рок е до 11 февруари, и има време да дојде некој повозрасен.
Следниот тест-меч е в сабота, со неготински Вардар, во Прилеп.
