Екипата Победа бргу се опорави по поразот дома од Кожуф, со денешниот триумф од 2:0 со Караорман во Струга, во 25. рунда на Втората фудбалска лига на Македонија. За прилепскиот тим сезонава на гости прва победа, но многу вредна. Со новите три бода Победа е едно место погоре на табелата. Го надминува Тетекс, екипа денеска поразена.
МЛАДИНЕЦ И КАДЕТ СЕ СТРЕЛЦИТЕ
Стрелци на денешниот дуел во Струга беа Дестан Адили во 23. и Димитар Шаркоски во 77. минута. Станува збор за мошне млади фудбалери. Кичевчанецот Адили (зимава дојден од Работнички) има 18 години, а прилепчанецот Шаркоски (шест години член на Победа) има само 16. Ова не е никакво изненедување, со оглед на тоа што целата екипа на Победа е со возраст во просек од 18 години, ако се има предвид дека капитен е и денеска одличниот голман Антонио Столевски (со долг дегажман асистент на вториот гол), кој има само 21 година.
КАРАОРМАН: Истрефи, Домазет (70. Глигороски), А. Каба, Ј. Каба, Ќелешоски, Емуш (59. К. Далчески), Клечкароски, Хајредини (70. Узеири), Баута (59. Жаку), Дани, И. Далчески. Тренер: Благоја Бајчески.
ПОБЕДА: Столевски, Сарески (65. Д. Шаркоски), Г. Димоски, Богевски, Адили (88. Табаковиќ), Да. Спиркоски (88. Тасески), И. Трајкоски (75. Л. Петејчук), Ристов (88. Новески), Поп-Антоски, Кофиловски, Ивчески. Тренер: Јане Николоски.
РЕЗУЛТАТИ: Караорман – Победа 0:2, Пелистер – Охрид 1:0, Арсими – Беса 0:2, Скопје – Тетекс 2:0, Вардар Н. – Башкими 1:0, Кожуф – Осогово 2:0, Детонит – Беласица 1:0, Саса – Новаци 1:3.
ТАБЕЛА: Беса 66, Пелистер 60, Детонит 52, Арсими 41,Охрид и Скопје 38, Башкими, Кожуф и Вардар Н. 34, Беласица 31, Новаци 28, Победа 26, Тетекс 24, Осогово 20, Саса 18, Караорман 15.
СЛЕДНО 26. КОЛО (27 април во 16 часот): Победа – Вардар Н., Охрид – Саса, Новаци – Детонит, Беласица – Кожуф, Осогово – Караорман, Башкими – Скопје, Тетекс – Арсими, Беса – Пелистер.
