Денеска беше денот за одигрување последен претсезонски, пријателски натпревар. Во Гевгелија се сретнаа второлигашите Кожуф и прилепска Победа, меч кој го добија домашните со 4:1. Стрелци: Гроздановски, Филип Ѓорѓиевски, Кирил Стојков и Дучков од пенал (Кожуф), а Антонио Столевски од пенал (Победа). Значи, голманот-капитен е стрелец на голот за Победа.
Висок резултат, но доаѓаат информации дека имало спорни моменти на штета на екипата од Прилеп. Така, околу 70. минута, при 2:0, 17-годишниот талентиран фудбалер Салим Арифи само што влегол во игра на првиот контакт со топката постигнал гол од втрчување, по претходно одбиена топка од голманот, а по остар шут одлево од исто така младиот 19-годишен Мартин Миланоски. Но, наместо намалување на 2:1, голот е поништен. Што се случило има видео кое од проблеми на сајтот не можеме сега да го објавиме.
По седум дена, в сабота, почнува првенството во Втората лига, а во 1. коло Кожуф игра дома со Саса, Победа е гостин на Брегалница во Штип.
