Изненадување во Прилеп: Победа – Брегалница 0:0. Второпласираниот на табелата не успеа да победи со 12-от. Прволигашкиот кандидат е сопрен во намерата да освои нови три бода. Новиот прилепски состав (со 8 нови) стигна до бод, вреден бод голем како планина, ако се има предвид денешниот противник.
Настаните на теренот беа по следниот редослед:
Прво гостите имаа шанси. Капитенот Давид Калпачки биеше крај голот, па неговиот соиграч Рејан Абази над гредата, па Иван Галевски во левиот дирек од домашниот гол. И во вториот дел штипјаните имаа неколку опасни удари, но сега со сигурни одбрани се испречи домашниот голман Иван Николоски. Кон самиот крај на мечот се случи пресврт. Екипата Победа се избори за серија корнери од кои се создадоа и одлични шанси, но двапати спаси гостинскиот голман Кевин Заов, по ударите на Леонид Кофиловски со глава и на Бојан Ивчески со нога.
ПОБЕДА: И. Николоски, М. Талески, Ивчески, Да. Спиркоски (76. А. Петрески), Исмаил, Д. Шаркоски (46. Ф. Димоски), П. Петроски, Ќерими (67. Љумовиќ), Кофиловски, Каба (83. Крајоски), Богевски (67. Казимоски). Тренер: Стојанче Дунимаглоски.
БРЕГАЛНИЦА: Заов, Бабунски, Стојков, Хаџи-Кимов, Абази, Галевски (65. Георгиев), Калпачки, Д. Попоски, Димитриевски (89. Адили), Чиљафи (76. С. Попоски), Томовски. Тренер: Трајче Сенев.
РЕЗУЛТАТИ 16. КОЛО: Победа – Брегалница 0:0, Вардар Н. – Осогово 1:0, Вардарски – Скопје 0:3, Саса – Кожуф 1:1, Новаци – Детонит 0:0, Башкими – Борец 1:1, Охрид – Македонија ЃП 0:1, Беласица – Арсими 0:1.
ТАБЕЛА: Македонија ЃП 41, Брегалница 34, Башкими 33, Арсими 32, Детонит 26, Скопје и Саса 25, Охрид 24, Кожуф 23, Новаци и Беласица 19, Вардар Н. 17, Победа 15, Осогово 8, Борец 6, Вардарски 5.
СЛЕДНО 17. КОЛО (22 февруари во 14 часот): Борец – Победа, Беласица – Вардар Н., Арсими – Охрид, Македонија ЃП – Башкими, Брегалница – Новаци, Детонит – Саса, Кожуф – Вардарски, Скопје – Осогово.
ПОРАЧКИ ЗА ПРАВОСЛАВНИТЕ ВЕРНИЦИ
ДОСТАВУВАЊЕ НА ДОМАШНА АДРЕСА
СЕ ОД ПРАВОСЛАВИЕТО
ПОРАЧКИ НА ИКОНИ, ИКОНОСТАСИ СО ЛАМБИЧЕ, БЛАГОСЛОВИ, МОЛИТВИ, КАЛЕНДАРИ…
СЕ ЗА ПРАЗНИЦИ, ИМЕНДЕНИ И СЛАВИ…
НА 076 502 403
