Четвртфиналните борби се вечерва на Хуманитарниот турнир во мал фудбал „Свети Никола“ во Прилеп. Пред преполната трибина во салата на ОУ „Добре Јованоски“ за влез во полуфиналето и останување до крајот на турнирот ќе се одвиваат следните мечеви: Скара на кило „Кусио“ (Прилеп) – Зона премиер (Скопје), Виталија Ветаџока (Прилеп/Скопје) – Влав шпед (Крушево), Гостилница „Кај Мече“ (Скопје) – Рустика кетеринг (Прилеп), Гостилница „Кај Џек“ (Охрид) – Андринико (Скопје). Овие дуели се меѓу 19 и 23 часот. Претходно, од 18 часот е полуфиналето за пионери 2010, а има уште и ревијален натпревар за генерација 2015.
РЕЗУЛТАТИ ОСМИНАФИНАЛЕ СИНОЌА: Црна Река – Андринико 1:2, Рустика кетеринг – Сендвичара Грижо Ла страда Бучин 3:2, Гостилница „Кај Мече“ – АСП Пак 0:0 (3:2 на пенали), Гостилница „Кај Џек“ – Кафе „Лули“ 5:2. РЕЗУЛТАТИ ОД СРЕДАТА: Скара на кило „Кусио“ – Трисоро 6:1, Зона премиер – Афикс пласт 1:1 (3:1 на пенали), Виталија Ветаџока – Теа Андреа 2:0, Влав шпед – Ана Марија фуд 1:0.
