За гигантот од Белград, клубот Партизан се знае дека е меѓу најуспешните од балканските простори, а за тоа и бројките доволно зборуваат: еднаш е европски вицешампион, 11 пати југословенски шампион, 5 пати освојувач на југословенскиот куп. Токму овој клуб загуби од прилепска Победа на финалето од Фудбалскиот турнир „Вуко Каров“ во Кавадарци, на 6 февруари 2000 година. Во регуларното време и по продолжението беше 0:0, а по пенал-серијата 5:4 за Победа. Стрелци од пенали: Димитриевиќ, Лазаревски, Каранфилоски, Г. Тодоровски и Груевски (Победа), а Томиќ, Стојановски, Кежман и Стоисављевиќ (Партизан). Пеналот што го изведе Сабо (Партизан) го одбрани голманот Груевски (Победа). Голема радост за цела Македонија, за Прилеп, за Победа, за играчите, за тренерите Драган Канатларовски, Круме Митрикески, Рубин Ѓорѓиоски, за претседателот Хари Хаџи-Ристески, директорот Александар Забрчанец – Ацуле, спортскиот директор Марјан Стојковски – Манта, генералниот секретар Трајче Маџоски.
За најдобар голман на турнирот е прогласен Гоце Груевски (Победа), кој, всушност, го постигна и последниот, победоносен гол во пенал-серијата.
ПОБЕДА: Груевски, П. Ристовски, Р. Петров, Н. Стојковиќ (Стефанов), Г. Лазаревски, И. Николаевски, Р. Каранфилоски, Жилсон (Г. Тодоровски), В. Мицевски (Стојкоски), Т. Наумоски (Димитриевиќ), Н. Здравески (Д. Диниќ). Тренер: Драган Канатларовски.
ПАРТИЗАН: Илиќ (Пантиќ), Сабо, Крстаиќ, Станоевиќ, Стојановски, Дуљај, Тробок, Ивиќ (Стоисављевиќ), Илиќ (Томиќ), Обрадовиќ (Пековиќ), Кежман. Тренер: Миодраг Јешиќ.
ПОРАЧКИ ЗА ПРАВОСЛАВНИТЕ ВЕРНИЦИ
ДОСТАВУВАЊЕ НА ДОМАШНА АДРЕСА
СЕ ОД ПРАВОСЛАВИЕТО
ПОРАЧКИ НА ИКОНИ, ИКОНОСТАСИ СО ЛАМБИЧЕ, БЛАГОСЛОВИ, МОЛИТВИ, КАЛЕНДАРИ…
СЕ ЗА ПРАЗНИЦИ, ИМЕНДЕНИ И СЛАВИ…
НА 076 502 403
