Прилеп или Струга, една од овие екипи ќе биде на 2. место од плеј-аутот на машката ракометна Супер лига, по одигрувањето на нивниот меѓусебен дуел, вечерва во прилепската сала од СОУ „Ристе Ристески – Ричко“. Прилепскиот тим е подобар во досегашните мечеви од сезонава, два од основниот дел на лигата, еден во плеј-аутот, каде Струга има една победа дома со 22:21, а Прилеп две победи – една дома со 25:22, втората на гости со 28:26. Но на табелата Струга е втора со 14, пред Прилеп со 12 бода. Оттука, може да се очекува неизвесен натпревар пред прилепската публика, која ќе ја исполни салата затоа што мечот е последен сезонава дома, а и последен на тој паркет домашната екипа ќе ја води тренерот Горан Кузманоски – Таста, кој одлучи да се раздели со клубот во кој беше две години. Натпреварот Прилеп – Струга ќе го судат Виктор Начевски и Даниело Божиновски, делегат е Русе Наумовски, сите од Скопје.
Мечот вечерва од 18,30 часот може да се гледа на овој линк:
