На 76 години почина Ордан Ѓорѓимајкоски, поранешен сениорски шаховски првак на Прилеп. Успехот го има постигнато во далечната 1979 година. Има титула мајсторски кандидат, во тоа време мошне вредна и ценета. Членува во шаховските клубови Црн бор, Тутунски комбинат и Енергоинвест 11 Октомври. Со Тутунски комбинат учествува во Втората југословенска лига. Победува на многу блиц-турнири во Прилеп, освојува високи места и на викенд-турнирите во Маврово и Скопје. Главна одлика му е острата комбинаторна игра каде во една партија го победува и шампионот на тогашна Југославија, Миралем Џевлан. Тој стил на игра подоцна е усвоен и практикуван од плејада на прилепски шахисти кои израснаа во шаховскиот клуб во старата прилепска чаршија.
Вечна слава за еден од најдобрите прилепски и мкакедонски шахисти
