Се случи стартот на фудбалската Б-лига на ОФС Прилеп. Во неа учесник е Напредок Крушеани. Овој клуб немаше одиграно натпревар од 18 април 2021 година кога беше член на Третата лига – Југ. Тогаш, на последниот меч, на гости во Обршани одигра 1:1 и првенството се прекина. Напредок беше петти на табелата, а претходно долго време се бореше за врвот. Оттогаш наваму не одигра ниеден првенствен натпревар, не зеде учество во Третата лига – Југ, иако беше вклучен во ждрепката и распоредот. Така се најде во Б-лигата од ОФС Прилеп есенва. Во саботата, во 1. коло со 1:0 (стрелец Самоил Граороски) го совлада Боротино. Мечот е одигран во Обршани.
На другите мечеви од 1. коло: Братство Големо Коњари – Прилеп сити 6:1, Пролетер Прилеп – Пелагонија Пашино Рувци 5:0, а Мажучиште слободно.
