Кошаркарскиот меч од 2. коло на машката Трета лига на Македонија Б-група помеѓу прилепски Мега баскет и Дибра иглс од Дебар, го доби домаќинот со 84:55. Прилепскиот тим доби три четвртини, првата со 21:6, втората со 21:14, четвртата со 26:16, а на дебарчаните им припадна третата со 19:16. Ова е втор триумф на Мега баскет, по минатонеделниот со 81:67 во Гостивар, а прв пораз на Дибра иглс. Во следното 3. коло дебарскиот состав игра дома со скопски Албес, а прилепскиот тим и гостува на Спарта во Скопје.
МЕГА БАСКЕТ: Стевананџија 9, Јовчески, Здравевски 13, Митрески 20, Давор Трајкоски 8, Крстески 11, Јаневски 9, Кузманоски 2, Костоски 4, Настески, Домлевски, Дејан Трајкоски 8. Тренер: Стефан Стевананџија.
ДИБРА ИГЛС: Ќормемети 12, Доволани 2, Атипи, Папранику 15, Џумкар 3, Врзиволи 6, Деволани, Јакупи 7, Петрески, Чутра 10. Тренер: Гафур Дика.
