Вчерашниот ден е еден од најактивните за прилепскиот Џудо-клуб „Сеишин“. Овој спортки колектив успеа да земе учество во три држави: Грција, Црна Гора и Македонија. И не само да учествува, туку и да освои медали.
На турнирот во Аминдео (Грција) беше учеството со најмалата категорија – деца родени од 2012 до 2017 меѓу кои на поголем дел од нив им беше прв натпревар од ваков тип. Осум џудисти освоија 9 медали, на задоволство на тренерите Дејан Мицкоски и Марио Тошески. Во Цетиње (Црна Гора) беше учеството со 5 натпреварувачи кои освоија 3 медали. Теодора Илиоска е прогласена за најдобар техничар. Поддршка за џудистите беа тренерите Мартин Ристески и ветеранот Киро Здравески. Во Скопје во организација на Џудо-клубот „Миоки“ учествуваа 8 прилепски џудисти, членови на „Сеишин“ кои освоија 3 медали. Од прикажаното се задоволни тренерите Мики Чадамов и Марио Цинцароски.
Новата генерација џудисти дава надеж за успеси и на повисоките меѓународни натпревари во овој олимписки спорт.
