Уште десетина дена остануваат од одморот за ракометарите на Прилеп, затоа што првиот тренинг е закажан за в понеделник, 16 јануари. Тогаш е првиот собир во салата на СОУ „Ристе Ристески – Ричко“ за почеток на подготовките за продолжението од Супер лигата за мажи.
– Почнуваме со ист истиот играчки кадар од есеноска. За евентуални засилувања ќе се знае наскоро. Што се однесува до подготвителниот период, ќе помине во Македонија, со неколку пријателски мечеви – најави Реваз Чантурија, шеф на Стручниот штаб.
Првиот следен првенствен меч е на 12 февруари, Прилеп – Радовиш, во плеј-аутот од Супер лигата.
