Седмиот ден е од подготовките на Победа за второлигашкото првенство. Засега се кондициски тренинзи, потоа тактичко-технички, во чија рамка и пријателски мечеви. Првиот ќе биде следната недела дома, со второлигашот Новаци. Закажни за потоа се тестовите со уште три второлигаши – Караорман, Вардар Неготино и Пелистер.
Во врска со играчкиот кадар, нови, или поточно повратници се: голманот Иван Николоски (Беласица), стоперот Христијан Кукески (Караорман),напаѓачите Филип Димоски (Детонит Плачковица) и Беким Алимоски (Питу Гули), а се очекуваат уште неколкумина прилепчани да се вратат во матичниот клуб. Исто така важно е што во клубот останаа искусните Филип Стомнароски, Јорданчо Наумоски, Анатолиј Петејчук, Филип Спиркоски, Стефан Спиркоски, како и младинците Василиј Мариновски, Мартин Миланоски, Антонио Шемкоски, Давид Дебрешлиоски, Бобан Ѓорчески, Давор Богевски и други.
За в сабота е најавен првиот тренинг-меч меѓу два тима на Победа.
