Поранешниот младински репрезентативец, десното крило Пеце Рајатовски (Голден арт) е новото засилување за машкиот ракометен суперлигаш Прилеп. Практично ова е негово враќање во клубот, каде одигра во сезоната 2017/18. Битолчанец е, има 29 години, а освен во Голден арт и Прилеп има играно за Струга и косовскиот Кастриоти.
Летово е плодоносно за клубот Прилеп, по генералното спонзорство на компанијата Комфи ангел. Претходно пристапија играчите – средниот бек Црногорецот Драган Јелушиќ (Искра Бугојно – Босна и Херцеговина), голманот Давид Ацевски (Јуниор КВ), пикерот Томче Трајчевски (Радовиш) и левиот бек Никола Цветаноски (Струга), а пристигна и нов тренер, шеф на Стручниот штаб -битолчанецот Божидар Мојсов.
Стартот на подготовките е кон крајот на јули.
