Во екипата на Победа, како што беше најавено, дојде напаѓачот Дарко Грозданоски, досегашен член на Беласица. Всушност, се враќа во прилепскиот клуб, каде одигра во сезоната 2021/22. Тој е осми нов, ако земеме предвид дека претходно на пријателските натпревари настапија: голманот Иван Николоски (Беласица), одбранбените Мартин Талески, Валентин Белески (Питу Гули) и Христијан Кукески (Караорман), за врска Константино Горгиовски (Беласица), напаѓачите Филип Димоски (Детонит) и Беким Алимоски (Питу Гули).
Првиот првенствен меч е в сабота (17 ч.) на Градскиот стадион „Гоце Делчев“ во Прилеп, Победа – Тетекс.
