Неочекувана драма во Прилеп. Неочекувана затоа што домашниот тим на Победа беше фаворит против Осогово, имаше и водство од 1:0 со голот на стоперот Филип Стомнароски во 48. минута, кога конечно беше совладан Ѓорѓи Јованоски, прилепчанец на голот од Осогово. Но, во периодот кога се редеа удари со можност за зголемување на водството, од 77. минута натпреварот отиде во сосема неочекуван правец, по исклучувањето на домашниот стопер Стефан Спиркоски. Тогаш на кочанчаните им се даде шанса да наметнат иницијатива, да пробаат да го израмнат резултатот. Тоа не беше се. Во 90. минута и десниот страничен на прилепскиот тим Христијан Кукески доби црвен картон. Така Победа беше принудена да се брани со двајца помалку од противникот, двајца од одбраната, од првата постава. Осумте минути судиско надополнување за прилепчаните изгледаа како да се петпати повеќе. Осогово притисна, имаше и една шанса, шут од дистанца, топката одеше во аголот, но Иван Николоски се фрли и одби во корнер, неговиот тим издржа и стигна до трите бода. За Победа штета е и третиот исклучен, резервниот голман Антонио Столевски.
ПОБЕДА: Николоски, Стомнароски, Кочоски (46. Алимоски), Д. Дебрешлиоски (88. Горгиовски), Ф. Димоски (93. Белески), Ј. Наумоски, Кукески, Ивчески, А. Петејчук, С. Спиркоски, Грозданоски (79. М. Талески). Тренер: Филип Мирчески.
ОСОГОВО: Јованоски, И. Николовски (70. Стоиловски), Методиевски, Соколов (90. Јованов), Манов, Крстов (70. Попов), Т. Николовски, Стефановски (70. Тренчев), Георгиев (59. Митовски), Ужевски, Паунов. Тренер: Добринко Илиевски.
РЕЗУЛТАТИ: Победа – Осогово 1:0, Охрид – Вардар (Н) 2:3, Скопје – Караорман 2:1, Арсими – Кожуф 0:2, Пелистер – Детонит 0:0, Беса – Саса 2:1, Тетекс – Новаци 0:2и Башкими – Беласица 0:3.
ТАБЕЛА: Беса и Кожуф 12, Пелистер и Детонит 10, Башкими 9, Победа 7, Беласица и Новаци 6, Охрид и Скопје 4, Арсими, Караорман, Тетекс и Вардар (Н) 3,Саса 1, Осогово 0.
СЛЕДНО 5. КОЛО (16 септември во 15 ч.): Беласица – Победа, Осогово – Охрид, Новаци – Башкими, Саса – Тетекс, Детонит – Беса, Кожуф – Пелистер, Караорман – Арсими, Вардар (Н) – Скопје.
ВИДЕО-ИЗВЕШТАЈ :
