Дербито во Прилеп, од 3. рунда на Третата фудбалска лига – Југ, го доби Слога од Лажани со 4:1 врз домашниот Ултрас. На теренот со вештачка трева и покрај создадените шанси, првото полувреме заврши без голови. Гостите кога имаа иницијатива, се случи да примат гол со лоб-удар упатен од околу 45 метри, некаде во близина на кругот околу центарот. Така Ултрас поведе во 55. минута со голот на Христијан Свртиновски. Но, Слога брзо се среди и израмнувањето се случи во 61. минута, преку некогашниот играч на второлигашите Корзо, Руфеја и Братство Житоше, Музафер Алиоски. Во 69. минута настана пресврт на 1:2, стрелец Белмин Кујовиќ, а на 1:3 со својот втор гол зголеми Музафер Алиоски во 80. минута. Конечните 1:4 во 83. минута ги постави Адмир Угљанин. Прв пораз на Ултрас, прва есенска победа на Слога.
ДРУГИТЕ РЕЗУЛТАТИ: Превалец – Марена 1:1 (Пеце Стојанов – Дарко Нацев), Големо Коњари – Питу Гули 1:0 (Мустафа Селманоски), Борец – Росоман 4:0 (Трајче Трајков 2, Милан Чичевски, Стефан Коџабанов), Локомотива – Бучин 5:0 (Робин Шабаноски, Агуш Шабаноски 2, Марјан Стефановски, Денис Мемков).
ТАБЕЛА: Борец 7, Ултрас и Големо Коњари по 6, Слога 5, Младост, Марена и Превалец по 4, Питу Гули, Росоман и Локомотива по 3, Бучин 0.
ИДНО 4. КОЛО (8 октомври во 14 ч.): Марена – Бучин, Слога – Локомотива, Росоман – Ултрас, Питу Гули – Младост, Превалец – Големо Коњари.
