Меѓу најдобрите спортисти на Прилеп на сите времиња несомнено е Мери Гичева, ракометарка која и на 39 години успешно настапува за Деспина, па оттука и секое нејзино појавување во медиумите привлекува внимание. При гостувањето на Радио Пела зборуваше за родовата еднаквост во ракометот.
– Ова ми е прва година да работам со пионерската екипа на Деспина. Сега треба и лиценците да ги земам, полека-полека да се надградувам. Затоа што никогаш нема да се простам од ракометот, по 25 години поминати со овој спорт. Целта ми е да бидам тренер, а ако бидам, ќе бидам на машка екипа. Тоа ми е една желба, една амбиција. Бидејќи, од првенството може да се забележи дека во Македонија нема жена-тренер на машки тим, освен кратко време што беше Андријана Будимир – рече Гичева.
Гичева како ракометарка настапуваше и за Тутунски комбинат, Жито Прилеп, во Грција, Романија и во Косово.
Целиот разговор со Мери Гичева на Радио Пела е на линкот
