Во 13. рунда од Втората лига, Арсими – Победа 8:1. Во Тетово беше нов спорт „валкање в кал“. На тешкиот терен, каллив и покриен со снег, при обилни врнежи од снег, не можеше да се очекува ни фудбал ни тактика ни техника. Домашните беа далеку поборбени.поснаодливи и поамбициозни и уште во првото полувреме поведоа со 5:0. И во вакви, најтешки услови, правеа акции и голови иако на гостинскиот гол беше солидниот Иван Николоски. Второто полувреме прилепскиот тим намали на 5:1, но потоа прими уште три гола, наспроти серија одлични зицер-одбрани на нововлезениот голман Антонио Столевски, заслужен што поразот не беше уште повисок. Така се стигна до конечни 8:1. Стрелци: Стефан Спиркоски автогол, Шпенд Асани 2, Арѓент Гафури 2, Енсар Љума, Хузри Џемаили и Ајрадин Цуцили (Арсими), Бојан Ивчески (Победа).
РЕЗУЛТАТИ 13. КОЛО: Арсими – Победа 8:1, Детонит – Охрид 1:0, Кожуф – Саса 3:2, Караорман – Новаци 1:3, Вардар Н. – Беласица 1:0, Пелистер – Башкими 4:0, Беса – Тетекс и Скопје – Осогово в понеделник.
ТАБЕЛА: Беса 31, Детонит 29, Пелистер 27, Охрид, Беласица и Кожуф 20, Арсими и Новаци 19, Тетекс и Башкими 17, Победа и Вардар Н. 15, Скопје 12, Осогово 11, Караорман 10, Саса 7.
СЛЕДНО 14. КОЛО (2 декември во 13 часот): Победа – Пелистер, Охрид – Тетекс, Башкими – Беса, Осогово – Арсими, Беласица – Скопје, Новаци – Вардар Н., Саса – Караорман, Детонит – Кожуф.
