Некои фудбалски натпревари се одиграа докрај, но во Прилеп не беше така. Мечот од 13. коло на Првата женска фудбалска лига, Цевитана – Топ гол е прекинат во 19. минута. На теренот со вештачка трева немаше услови за игра. Тоа го пишува и во записникот. Во забалешката на главниот судија Александар Урошевиќ од Тетово, пишува: Поради временски неприлики – снег на теренот, натпреварот е прекинат во 19. минута.
До прекинот Топ гол од Битола водеше со 1:0, со голот на Ивана Милевска.
Прекинат е уште еден натпревар од ова коло, Скопје – Љуботен, поради тоа што домашниот тим останал со 6 играчи во 55. минута, при водство на гостите од 3:1.
