Напаѓачот Филип Димоски е нов член на второлигашот Саса, според денешната објава на клубот од Каменица. Ова е, практично, петта разделба на прилепчанецот Димоски со Победа. Првиот пат се случи 2018 година кога му пристапи на Осогово од Кочани. Вториот пат беше 2019 година кога се пресели во Питу Гули од Крушево. Третиот пат се случи во 2021 година кога првпат замина во Саса, а четвртиот пат 2022 година, при заминувањето во Детонит од Радовиш.
Филип Димоски, кој има 24 години, есеноска даде 4 гола за Победа.
