Во последните неколку сезони, во прволигашки и второлигашки ранг, незаменлив во одбраната на Победа на позицијата стопер беше Филип Стомнароски. Меѓутоа, по настапите во есенскиот дел од актуелното второлигашко првенство, токму во најплодните години (28) одлучи да биде во друга улога – тренер. Своето искуство во иднина ќе го пренесува на младите од општините Прилеп и Кривогаштани, на фудбалерчиња родени меѓу 2011 и 2018 година, преку новоотворената фудбалска школа именувана како „Вондер кидс“. Во неа ќе работат уште тројца тренери, познати имиња – Филип Мирчески, Стевче Талески и Жарко Димески. За официјален почеток на школата е одреден 29 април.
Од неодамна Филип Стомнароски работи и како професор по физичко образование.
