В сабота (19 ч.), во салата на ООУ „Добре Јованоски“ е мечот Мега баскет – МЗТ Уни банка, од 21. коло на Втората кошаркарска лига. Тежок дуел за прилепскиот тим, имајќи предвид дека наредени се три порази, последниот со 85:69 од Водно во Скопје. Згора на тоа, МЗТ Уни банка е мошне солидна екипа, четири места погоре на табелата, со седум бода повеќе. Есеноска МЗТ дома победи со 103:67. Сепак, шанси за влез во плејофот (меѓу осумте тима) се уште постојат за Мега баскет, и оттука се очекува голема борба со квалитетниот гостински состав.
ТАБЕЛА: МКК Куманово 36, Шкупи и Маџари 33, Ангели и МЗТ Уни 30, Соколи, Борец и Водно 25, Мега баскет 23, Работнички 21, Тетекс 19.
