Надлежната за организацијата на фудбалот во градов, ОФС Прилеп, во септември 2012 година ги доби двете најпосакувани простории во старата општинска зграда – поранешните канцеларии од градоначалникот Марјан Ристески. Во третата се смести управата на Третата лига – Југ.
– Благодарност до Локалната. Убаво е, имаме доволно простор за ефикасна работа – рече Марјан Стојковски – Манта, претседателот.
Инвентар, компјутер, печатач и сé друго е на располагање во канцелариите. Овој општински сојуз секојдневно имаше полни раце работа, со оглед на системот. Поради масовноста, поделбата беше во два ранга, А и Б, со 19 тима. Под ингеренција беа и младинските школи. Немаше поголемо населено место без клуб.
– Нови простории, нови надежи дека прилепскиот фудбал ќе се врати на местото кое му припаѓа – истакна Петре Илиоски, секретарот.
ОФС Прилеп претходно дваесетина години беше во дотраени простории, во зградата од Соколаната.
АУДИО од 17 септември 2012
АУДИО од 4 јули 2012
