Натпреварите помеѓу прилепска Победа и гевгелиски Кожуф секогаш се интересни, без оглед дали се првенствени или пријателски. Двата тима имаат дуел и денеска попладне (17.30 ч.) на Градскиот стадион „Гоце Делчев“ во Прилеп. Станува збор за пријателски, подготвителен меч во пресрет на новото првенство од Втората лига на Македонија. Во претходното првенство се водеа тешки битки меѓу прилепскиот и гевгелискиот тим – во Гевгелија 0:0, во Прилеп 1:0 за Кожуф.
Тренерите Јане Николоски и Филип Деспотовски имаат повеќе новодојдени во своите екипи. Во Победа нови се: десниот страничен Матеј Ѓурчиновски (Слога Виница), играч за врска Мартин Андоновски (Кожуф), напаѓачите Никола Талески (Беласица) и Амир Фејзуловски (Детонит). Во екипата Кожуф новодојдени се: голманот Христијан Георгиевски (повратник од Германија), десен страничен Никола Сарески (Победа), во одбрана Јорго Папули (Вардар),за врска Александар Ѓорѓиески (Детонит), Петар Гугуљанов (Беласица) и Филип Ѓорѓиевски (Скопје). напаѓачот Александар Богданоски (Шкупи),
За Победа денешниот е втор пријателски меч летово, а за Кожуф е петти.
