В среда (2 октомври) од 14 часот се играат три меча од 16-финалето на Купот на Македонија, меѓу нив и дуелот Гостивар – Победа. Според ждрепката, второлигашот Победа требаше да биде домаќин во Прилеп на прволигашот Гостивар. Меѓутоа, на барање на Фудбалскиот клуб Гостивар, мечот ќе се одигра на Стадионот „Борис Трајковски“ во Маџари, Скопје. Таму Гостивар како домаќин ги игра прволигашките мечеви. Значи, Победа излезе во пресрет, во насока за негување на меѓуклупските односи. И од ФФМ е направена измена, така што наместо Победа, Гостивар е во улога на домаќин.
В среда од 14 часот се играат уште два натпревара, Беласица – Македонија ЃП и Башкими – Воска, додека другите се одиграа на 18 септември.
