Попладнево во Куманово се одигра пријателски подготвителен меч меѓу второлигашите Башкими и Победа. Домашниот тим победи со 2:0, со постигнати голови по еден во полувреме. Стрелци: Меметриза Хамза во 7. и Елмедин Ќаили во 47. минута. За вториот гол впечатокот е дека е од офсајд-позиција.
Во врска со изданието на прилепскиот тим, според информациите од Куманово се одигра мошне солидно против екипата која претходното првенство го заврши на 8. место. Како и на многу претходни натпревари, капитенот, голманот Антонио Столевски и денеска со одлични одбрани (се придодаде и замената Антонио Шемкоски). Како плод на таа солидна игра се шансите на Леонид Кофиловски стонастотна (во иста акција удари и со глава и со нога),Никола Талески и Марко Ристов – трите во првото полувреме, како и на Салим Арифи во претпоследната минута од мечот.
ПОБЕДА: Столевски, Кофиловски, Ивчески, Ристов, Ѓурчиновски , Богевски, Да. Спиркоски, Д. Дебрешлиоски, Фејзуловски, Андоновски, Н. Талески. Уште настапија: Шемкоски, Миланоски, М. Талески, Л. Петејчук, Тасески, Новески, Паскоски, Арифи, С. Спиркоски, И. Трајкоски, Д. Шаркоски.
Беше четврта контрола за Башкими, трета за Победа. Следниот пријателски меч на Победа в среда, пак на гости, кај Охрид.
